ብዝተፈላለየ ምኽንያታት ናብ ኣዲስ ኣበባ ገይሾም ዝቐነዩ ኣዴታት ዝርከብኦም ሓያሎ ሰባት፣ ናብ ኤርትራ ኣብ ዝተመልስሉ፣ ካብ መዓርፎ ነፈርቲ ኣስመራ ተኣስሮም ተወሲዶም። ሽዱሽተ ሰባት ኣብ ዝሓለፈ ወርሒ ጥቅምቲ ዝተኣስሩ ምዃኖም ዘረጋገጹ ምንጭታት ኤረና፣ ብ09 ሕዳር ድማ ኣርባዕተ መንእሰያትን ሓንቲ ኣደን ብተመሳሳሊ ኣብቲ መዓርፎ ነፈርቲ ብኣባላት ጸጥታ ተታሒዞም ከምዝተወስዱ ገሊጾም።

ዝተኣስርሉ ምኽንያት ዛጊት ክፍለጥ ኣይከኣለን።

ካብ ኤርትራ ናብ ኢትዮጵያ ገይሾም፣ ርክባት ኣብ ወጻኢ ምስ ዝርከቡ ተቓወምቲ፣ ምዝርጋሕ ካብ ኣስመራ ዝተወስደ ኣሳእል ብመንገዲ ማሕበራዊ ሜድያ፣ ምዝርጋሕ ኣብ ኤርትራ ዝተኸልከለ መዛሙርን ደርፍታትን፣ ምውህላል ናይ ወጻኢ ሸርፊን ካልእን የሰላስሉ ኣለዉ ተባሂሎም ኣብ ልዕሊ ዝተጠርጠሩ ኤርትራውያን ምክትታል ይካየድ ምህላዉ እቶም ምንጭታት ምስዚ ኣተኣሳሲሮም ኣብ ዝልኣኽዎ ሓበሬታ ጠቒሶም።

ብ መላእ ኤርትራ ኣዋርሕ ኣቑጺሩ ዘሎ ጽዑቕ ግፋ፣ ምእሳር ደቆም ከረክቡ ዘይክኣሉ ወለዲን ምዕሻግ ኣባይትን ብዝልዓለ መልክዑ ይቕጽል ኣሎ። ምንጭታት ራድዮ ብዝሓበርዎ መሰረት፣ ግፋን ማእሰርቲ  ወለዲን፣ ኣብ ከተማታትን ገጠራትን ብተመሳሳሊ’ዩ ቀጺሉ። ስምምዕ ምቑራጽ ቶዅሲን ንዘተ ሰላም ሰሜን ኢትዮጵያን፣ ነቲ ብወገን ኤርትራ ዘሎ ሻቕሎት ከህድኦን ግፋን ማእሰርቲ ወለዲ ክሃድእን፣ ህዝቢ ተጸብዩ እኳ እንተነበረ፣ ብኣንጻሩ ግና ካብ ዝሓለፈ ሰሙን ኣትሒዙ ብኢሱ ምህላው ‘ዮም እቶም ምንጭታት ኣረጋጊጾም።

ካብ ዝገርም፡ እዛ ሃገር፡ ንብረታ ተዘሚቱን ተሃጊሩን፡ ደቃ ተገፊፎም ኣብ ግዱድ ዕስክርና ተጸሚዶም ዕድመ ልክዖም ዋጋ እንዳ ከፈሉ ይነብሩ፡ ጥሪት እዛ ሃገር ብሓይሊ ተዘሚተን ቢኢድ ዉናንኦም ይሓርዱወን የጥፍእወን፡ ስድራ-ቤት እዛ ሃገር ይእሰሩን ይበታተኑን፡ እዚ ህዝቢ’ዛ ሃገር መባእታዊ ዓቕሚ እቶቱ ወይ ቁጠብኡ ይሕደግ መረቱን ንዋቱን ይህገር፡ ጽፍሒ መነባብሮኡ መረት ዘቢጡስንክልቲ ሃገር ጌሮም ደው ዘበልዋ ሃገር’ሲ ብኸመይ እዮ መስተንክር መራሕቲ ገበርቲ ቂያ ዝበሃሉ ክንዲ ሃገር  ዘዕነዉ? ብኸመይ እዩ’ኸ በዚ ሕጂ ዘለቶ ከም ሃገር ተቆጺራስ ፡ ሃገር ተባሂላ ክትጽዋዕ?

ኣለኹ ዝብል ምስ ተጸወዔ መጸዋዕታ ካብ ውድብ ተሐኤ ንድሕነት ዓደቦ ንዳግማይ ትንሳኤ ተዓዘብቲ ኣይንኹን ህዝቢ እንዳጠኤ’’ መድያታት ነዋሕቲ መልሐስ ክእደባ ለውጢ ምስቲ ብውሽጢ ዘሎ ህዝቢ ኣብ ጥቓ ትኪ ዘሎ ቆልዓ ኣይተብኪ ኤርትራዊዩ ንለውጢ መድፍዕ ታንኪ’’