Wake up!!!!!!! Eritrea is reoccupied by Ethiopians!!!!!! Back to armed struggle........there is no other alternative!

ካምፓላ፣ ኣብ ሓደ ወርሒ 340 ኤርትራውያን ዑቕባ ሓቲቶም

uganda_unhcrኣብ ዝሓለፈ ወርሒ መስከረም፣ 340 ኤርትራውያን፣ ኣብ ከተማ ካምፓላ ኣብ ዝርከብ ማእከል ስደተኛታት፣ ሕቶ ዑቕባ ከምዘቕረቡ ወኪል ላዕለዋይ ኮሚሽን ስደተኛታት ሕቡራት ሃገራት (UNHCR) ካብታ ሃገር ገሊጹ።

     ኣብታ ወርሒ እቲኣ ጥራይ 1264 ስደኛታት ዑቕባ ንምሕታት ናብ ኡጋንዳ ከምዝኣተዉ ዝሓበረ እቲ ኮሚሽን፣ ካብዚኦም እቶም 745 ዜጋታት ሶማል ክኾኑ እንከለዉ እቶም 100 ከኣ ሩዋንዳውያን'ዮም።

     ዝበዝሑ ካብቶም ኣብ ከተማ ካምፓላ ዑቕባ ዝሓተቱ ዘለዉ ኤርትራውያን፣ ብመንገዲ ሱዳንን ኢትዮጵያን ናብ ኡጋንዳ ዝኣተዉ'ዮም።

     ብዘይካ'ዚ ናይ መውጽኢ ቪዛ ዕድል ዝረኸቡ ኤርትራውያን'ውን ኡጋንዳ ድሕሪ ምእታዉ ዑቕባ ይሓቱ ከምዘለዉ ይግለጽ።