Wake up!!!!!!! Eritrea is reoccupied by Ethiopians!!!!!! Back to armed struggle........there is no other alternative!

መልሲ ንሓው ተስፋብርሃን

ዝኸበርካ ሓው ተስፋብርሃን፡ (ኤርትራዊ ስለዝኾንካ ሓው ኢለ ክጽውዓካ ኣፍቅደለይ) እቲ ንልዕሊ ሓደ ሰዓት ዝኸደ ኣንጻር ሓው ጀላል ያሲን (ብመገዱ ድማ ንጀበርቲ፡ ንውድብ ናህዳ ንመርበብ ዓዋተን ካልኦትን?) ዒላማ (ታርገት) ዝገበረ መግለጺኻ ስሚዐዮ። ብሓቂ ዘሕዝን’ዩ! ኣብ ፈረንሳ (ሃገር ሓርነት፡ ማዕርነት፡ ሕውነት) እትነብር፡ ዝተመሃርካ መንእሰይ (ትሕት 40 ኢኻ ኢለ እግምት)፡ ንነብሱ ከም ሃገራዊ፡ ደላይ ፍትሒ/ለውጢ፡ ተቓዋሚ ምልኪ/ገባቲ ስርዓት ዝኾነ፡ ሊበራላዊ ኢየ ዝብል ሰብ፡ ከምዚ ዝበለ ድሑርን ከፋፋልን፡ ጸረ-ሓድነትን ጸረ-ህዝብን ሓሳባት ክትዝርግሕ፡ ነውሪ ኢዩ። ከም ኤርትራዊ፡ የሕዝነኒ!