ኣብ ዙር ፈረንሳ 2024 ኣብ ሰለስተ መድረኻት ቀዳማይ ብምውጻእ ብ387 ነጥቢ ተዓዋቲ ቀጠልያ ማልያ ክኸውን ከም ዝኽኣለ ይፍለጥ።
ንቢንያም ናይ ምቕባል ስነስርዓት ትማሊ’ኳ ክካየድ ተሓሲቡ እንተነበረ ኣብ ኣስመራ ብርቱዕ ዝናብ ስለዝነበረ እታ ንቢንያም ግርማይ ሒዛ ኣብ ሰዓታት ናይ ንግሆ ኣስመራ ክትዓልብ ተጽቢት ተገይሩላ ዝነበረት ነፋሪት ኣብ ሰዓታ ክትኣቱ ስለ ዘይከኣለት እቲ መደብ ናብ ሎሚ ተሰጋጊሩ።
ትማሊ ምሽት ናብ ኣስመራ ዝኣተወ ቢንያም ግርማይ ሎሚ ናይ ንግሆ ምስ ሓላፊ ባህልን ስፖርትን ኣምባሳደር ዘመደ ተኽለን ካልኦት ተቐዳደምቲ ብሽክለታን ተሰንዩ ናብ ኣብ ዓዲ ሃሎ ኣብ ዝርከብ ቤት ጽሕፈት ፕረዚደንት ኢሳይያስ ኣፈወርቂ ከይዱ ምስቲ ፕረዚደንት ብምርኻብ ቀጠልያ ማልያ ኣበርኪትሉ።
ፕረዚንት ኢሳይያስ ኣፈወርቂ፡ ዓወታት ቢንያም ግርማይ ኣብ ህዝቢ ዝፈጠሮ ታሕጓስ ልዕል ምንባሩ ብምግላጽ፡ ነቶም ምስ ቢንያም ኣብ ቤት ጽሕፈት ፕረዚደንት ዝተረኸቡ ስድራ ቢንያም ግርማይ እንቋዕ ሓጎሰኩም ኢሉ።
እቲ ናይ ምቕባል ስነስርዓት ብማርሺን ባንድ ተመሪሑ ካብ መዓርፎ ነፈርቲ ኣስመራ’ዩ ጀሚሩ።
ኣብቲ ብሃገራዊት ተለቪዥን ኤርትራ ብቐጥታ ዝተመሓላለፈ መደብ፡ ቢንያም ግርማይ ኣብ ዓዲ ሃሎ ኣብ ዝሃቦ ቃል፡ ጎኒ ጎኒ ጻዕሪ ክዕወት’የ ኢልካ እንተሓሲብካ ክብጻሕ ዘይክእል ነገር ከም ዘየለ ተዛሪቡ።
ቢንያም ቀንዲ ምስጢር ዓወት “እንተጽዒርካ ዘይትዕወተሉ መንገዲ የለን፤ኣብቲ ትጽዕረሉ ከኣ ክትዕወተሉ ምዃንካ ክትኣምን ኣለካ” ኢሉ።
ቢንያም ብምስዓብ ንሱ በቲ ዳንኤል ተኽለሃይማኖትን መርሃዊ ቅዱስን ኣብ 2015 ቀዳሞት ጸለምቲ ኣፍሪቃውያን ኰይኖም ኣብ ቱር ድሕሪ ምስታፎም ብዓወት ዳንኤል ተተባቢዑ ውድድር ከም ዝጀመረ ይዝከር።
“ኣብ 2015 ናይ ብዓል ዳንኤል ጽልዋ’ዩ ንሕና ኣብዚ ደረጃ በጺሕና ዘለና፤ ስለዚ ካብዚ ናትና ተጸልዮም ከኣ ካብዚ ናትና ንላዕሊ ደረጃ ከም ዝበጽሑ ይኣምን” ብምባል ካብዞም ሎሚ ዝተቐበልዎ ህጻናት ገዚፍ ዓወት ክምጽእ ከም ዝኽእል ተዛሪቡ።
ክምጽእ ከም ዝኽእል ተዛሪቡ።
ምንጪ ስእሊ,SM
ምንጪ ስእሊ,SM
ቢንያም፡ ኣብ ሳልሳይ፡ ሻሙናይን ፡ ዓሰርተ ክልተን መድረኻት ቀዳማይ ብምውጻእ ሃትሪክ ክሰርሕ እንከሎ፡ ኣብ ሻዱሻይን ዓስራይን መድረኻት ካልኣይ፡ ኣብ መድረኽ ዓሰርተ ሰለስተ ራብዓይ ኣብ ሓሙሻይን ታሽዓይን መድረኽ ከኣ ታሽዓይ ብምውጻእ’ዩ ነዚ ድሙቕ ዓወት ከመዝግብ ክኢሉ።
ቢንያም፡ ንቀጠልያ ማልያ ኣብ ሓሙሻይ መድረኽ ምስ ተረከባ ክሳብ መወዳእታ ክዕቅባ ብምኽኣሉ ካብቲ ኣብ ቀጠልያ ማልያ ካልኣይ ኰይኑ ውድድሩ ዝዛዘመ ቤልጂማዊ ጃስፐር ፍሊፕሰን ብ33 ጸብለልታ ነጥቢ’ዩ ተዓዋቲ ኰይኑ ታሪኽ ሰሪሑ።
እቲ ኤርትራዊ ኮኾብ፡ ኣብ ታሪኽ ቱር ዲ ፍራንስ ንመጀመርታ ግዜ ኣብቲ ውድድር ናይ መድረኽ ዓወት ከመዝግብ ዝኸኣለ ጸሊም ኣፍሪቃዊ’ዩ።
ከምኡ ከኣ ኣብ ታሪኽ ቱር ዲ ፍራንስ ብነጥቢ ንዝመርሑ ተቐዳደምቲ እትወሃብ ቀጠልያ ማልያ ቅድሚ እዚ ዓመት ብዝዀነ ኣፍሪቃዊ ዋላ ንሓንቲ መዓልቲ’ውን ዝተኸደና ኣይነበረን።
ቢንያም ኣብ ጂሮ ዲ ኢታሊ ሓንቲ መድረኽ፡ ሰለስተ ግዜ ከኣ ኣብ ቱር ዲ ፍራንስ ብሓፈሻ ኣብ ግራንድ ቱር ኣርባዕተ ናይ መድረኽ ዓወት ብምምዝጋብ ዝዀነ ኣፍሪቃዊ በጺሕዎ ዘይፈልጥ ብራኸ ደይቡ ኣሎ።
ኣብቲ ዓሰርተታት ኣሽሓት ዝተረኸበሉ ኣብ ሜዳ ባሕቲ መስከረም ኣብ ዝተነበረ መዛዘሚ ጽንብል ንኽብሪ ቢንያም ግርማይ ብዝተዳለዉ ደርፍታት’ዩ ደሚቑ፡ ቢንያም ግርመ ቢንያም ግርማይ ሓጎሱ ገሊጹ።
“ካብዚ ንላዕሊ ሓጎስ ኣስተማቒረ ኣይፈልጥን፤ ስለዚ ንኹሉኹም ህዝቢ ኤርትራን ኣብዚ ተረኺብኩም ዘለኹምን እቲ ናተይ ሓጎስ ናትኩም ሓጎስዩ ናተይ ሓጎስ ከኣ ናተይ ሓጎስ’ዩ እሞ የቐንየለይ” ኢሉ።
ምንጪ ስእሊ,SM
ምንጪ ስእሊ,SM
