ሓንቲ ኣደኣ ብብርቱዕ መንሽሮ ደም ዝተጠቕዐት ኤርትራዊ መበቈል ዘለዋ መንእሰይ፡ ካብ ውሑዳት ዓሌት ዝመጽኡ ሰባት ኣብ መዝገብ ወሃብቲ መሰረታዊ-ዋህዮ (stem cell) ክምዝገቡ ተማሕጺና። ኣብ ዓዲ እንግሊዝ እትቕመጥ ጓል 24 ዓመት ኒድሃል ሓምዳን ኣደኣ ዘይነብ ብኸቢድ ሕማም መንሽሮ ደም ምስ ተጠቕዐት ተመኵሮ ናይ ስድራቤታ ኣብ ኢንተርነት ከተካፍል...

ብትካል ሰብኣዊ መሰላት ዝተዳለወ ዋዕላ 'ኦስሎ ፍሪደም ፎረም 2026' ካብ 1 ክሳዕ 3 ሰነ ኣብ ኖርወይ ይካየድ ኣሎ። እዚ "ምፍራስ ውልቀ-ምልኪ" ብዝብል ንመበል 18 ግዜኡ ዝካየድ ዘሎ መደብ፡ ተጣበቕቲ ሰብኣዊ መሰላት፡ ጋዜጠኛታት፡ ስነጥበበኛታት፡ ክኢላታት ቴክኖሎጅን ሃንደስቲ ፖሊሲታትን ወዘተ ዝእከብሉ ዓለምለኻዊ መድረኽ እዩ። ኣብቲ...

ኢጣልያዊት ኤርትራዊት ተዋሳኢት፡ ሞዴል፡ ደራፊትን ኣፍራዪት ፊልምን ዘውዲ ኣርኣያ፡ ኣብ መበል 75 ዓመታ ብሰንበት 24 ግንቦት ከም ዝዓረፈት ውላዳ ሚካኤላንጀሎ ሓቢሩ። ኣብ ዝመጽእ መዓልታት ድማ ስድራኣ ጥራሕ ኣብ ዝተረኽብሉ ሓመድ-ኣዳም ከም እትለብስ ገሊጹ።

ንዘውዲ ኣርኣያ፡ ኣብ 2001 ኣብ ሮማ ኢጣልያ ቤት ጽሕፈታ ከይደ ቃለ-መሕትት ከካይደላን ዕድል ረኺበ ነይረ። ኣብቲ እዋን ኣብ ጥልያን ኣምባሳደር ኤርትራ ዝነበረ ኣምባሳደር ጸጋይ መጐስ፡ ምስ ዘውዲ ናይ ቀረባ ሌላ ስለ ዝነበሮ፡ ንሱ እዩ ነቲ ዕድል ኣመቻቺኡለይ። ...

ፕረዚደንት ኢሳይያስ ኣፈወርቂ፡ ኣብ ጽንብል መበል 35 ዓመት መዓልቲ ናጽነት ኤርትራ ዘስምዖ መደረ ኣዛራቢ ኰይኑ ይቕጽል ኣሎ። ኣብቲ ዕለት ፕረዚደንት ኢሳይያስ፡ ንዓለማዊ ፖለቲካዊ ስርዓት ምስ ኣመሪካ ኣተሓሒዙ ዝበዝሕ ክፋል መደረኡ ኣቕሪብዎ። ካብቲ ትራምፕ ዳግማይ ናብ ስልጣን ዝመጽኣሉ ዘልዓሎ 'ኣመሪካ ደጊምካ ዓባይ ምግባር' ዝብል ጭርሖ ማጋ ኣትሒዙ ክሳብ'ቲ ኣብዚ...

ኣብዚ ቀረባ እዋናት ገጹ "ናብ ኤርትራን ቀይሕባሕሪን መሊሱ" ዝበሃለሉ ዘሎ ፕረዚደንት ሕቡራት መንግስታት ኣመሪካ ዶናልድ ትራምፕ፡ ብምኽንያት መበል 35 ዓመት መዓልቲ ናጽነት ኤርትራ፡ ንህዝብን መንግስትን እታ ሃገር ናይ እንቋዕ ሓጐሰኩም መልእኽቲ ሰዲዱ ክብል ሻባይት ኣፍሊጡ። እቲ ፕረዚደንት ኣብ መልእኽቱ፡ "ንሓያል መንፈስ ጽንዓት ህዝቢ ኤርትራ፡ ከምኡ'ውን እቲ ህዝቢ...

ኤርትራ ንመበል 35 ዓመት መዓልቲ ናጽነታ (24 ግንቦት) ንምብዓል ኣብ ምድላው ትርከብ። መንግስቲ ኤርትራ፡ እታ ሃገር ንተኸታተልቲ ዓሰርተታት ዓመታት ንዝተጻዕነላ ተጻብኦ ናይ ግዳም ሓይልታትን እገዳታትን ብምምካት፡ ኣብ መትከል "ርእሰ-ምርኰሳ" ዝተመሰረተ ቍጠባውን ማሕበራውን ልምዓት ንምርግጋጽ ትሰርሕ ከም ዘላ እዩ ብተደጋጋሚ ዝገልጽ። እዚ...

ኢትዮጵያ፡ ግብጺ ምስ ኤርትራ ስምምዕ መጓዓዝያ ባሕሪ ድሕሪ ምኽታማ፡ ኣብ ቀይሕ ባሕሪ ቀጥታዊ ኣፍደገ ባሕሪ ንምርካብ ንዝግበር ዘሎ ጻዕርታት ሰላም ንምትዕንቓፍን ንምዝራግን ትንቀሳቐስ ኣላ ክትብል ከሲሳ። ወሃቢ-ቓል ምኒስትሪ ጉዳያት ወጻኢ ኢትዮጵያ ኣምባሳደር ነብያት ጌታቸው ብሓሙስ 21 ግንቦት 2026 ኣብ ዝሃቦ ጋዜጣዊ መግለጺ፡ እቲ ካብ ካይሮ...

ድሕሪ 18 ዓመታት ናብ መጻረዪ ዋንጫ ኣፍሪቃ ዝኣተወት ሃገራዊት ጋንታ ኤርትራ፡ ትማሊ ኣብ ዝወደቐ ዕጫ መጻረዪ ዋንጫ ኣፍሪቃ 2027፡ ኣብ ምድብ ኣርባዕተ ምስ ሃገራውያን ጋንታታት ደቡብ ኣፍሪቃ፡ ጊኒን ኬንያን በጺሕዋ። ካብ ነፍሲ ወከፍ ምድብ ቀዳመይትን ካልኣይትን ዝወጽኣ'የን ናብ ዋንጫ ኣፍሪቃ ክሓልፋ፤ እንተዀነ ኣብዚ ኤርትራ በጺሕዋ ዘሎ ምድብ እትርከብ ሃገራዊት ጋንታ...

ሓደ ኤርትራዊ ጃልባ መሪሑ ብዘይሕጋዊ መንገዲ ንመትረብ ዓዲ እንግሊዝ ኣቋሪጹ ናብ ዓዲ እንግሊዝ ብምእታዉ ተኸሲሱ ናብ ቤት ፍርዲ ቀሪቡ። እዚ እድሪስ ዓብዱ ዝተበሃለ ኤርትራዊ ኣብዚ እዋን ኣብ ከተማ ብራድፎርድ ዝነብር ኰይኑ፡ ኣብ ግንቦት 2025'ዩ ናብ ዓዲ እንግሊዝ ኣትዩ። እቲ ቀሪብሉ ዘሎ ክሲ ከኣ "ንሕጊ ኢሚግረሽን ዓዲ እንግሊዝ ጥሒሱ" ዝብል ክሲ'ዩ። እድሪስ ዓብዱ...

ዓቢ ጕጅለ ልኡኽ መሪሑ ኣብ ኤርትራ ምብጻሕ ከካይድ ዝቐነየ ሚኒስተር ጉዳያት ወጻኢ ግብጺ ዶ/ር በድር ምስ መንግስታዊ ማዕከናት ዜና ኤርትራ ስፍሕ ዝበለ ቃለመሕትት ኣካይዱ። በድር ዓብደልዓጢ ከም ዝበሎ፡ ዝምድና ግብጽን ኤርትራን "ዓቢ ዓይነታዊ ገስጋስ" ኣመዝጊቡ ኣሎ። ብቐዳም፡ ክልቲኦም ወገናት ሓባራዊ መስመራት መራኽብ ንምምዕባልን ምትእስሳር ወደባት ኣብ...

ኣብ 2018 ድሕሪ ዝተኻየደሉ ፈተነ ቅትለት፡ ናብ ንቡር ኵነታትን ጥዕናኡን ቍመናኡን ከይተመልሰ ዝጸንሐ ምኒስተር ጸዓትን ማዕድንን ዝነበረ ጀነራል ስብሓት ኤፍረም ድሕሪ 8 ዓመት ንፈለማ ግዜ ኣብ ተሌቪዥን ኤርትራ ቀሪቡ። ጀነራል ስብሓት፡ ኣብቲ ብሰንበት 17 ግንቦት ዝተፈነወ መበል 74 ክፋል ሰነዳዊ ፊልም "ፈንቅል" እዩ መብርሂ ክህብ ተራእዩ። ኣብቲ ነዊሕ ዝኸደ ክፋላት እቲ ሰነድ፡...