ኣስመራ ንዓወት ቢንያም ትጽንብል

ኣስመራ — ኤርትራዊ ተቐዳዳሚ ቢንያም ግርማይ ኣብ ዙር ፈረንሳ ብዘርእዮ ዘሎ ዓወት፡ ኣብ ኤርትራ ብዓቢ ጽንብል ፈጢሩ ኣሎ። ድሕሪ ኣብ ዓበይቲ ከተማታት ኤርትራ፡ ድሕሪ ነፍሲ-ወከፍ ዓወት ቢንያም፡ ህዝቢ ብሓንሳብ ናብ ጎደናታት ብምውሓዝ ክጽንብል ቀንዩ ኣሎ።

ኣብ ዝደሓረ ዜና፡ ሎሚ ኣብ ዝተኻየደ መበል 13 መድረኽ ዙር ፈረንሳ ብዓወት ያስፐር ፊሊፕሰን ክዛዘም እንከሎ፡ ኣብዚ ናይ ሎሚ መድረኽ ድማ ቢንያም መበል ራብዓይ ኣትዩ ኣሎ። ድሕሪ ናይ ሎሚ ዓርቢ መድረኽ፡ ናይ ውህሉል ግዜ መላለዪት ቀጠልያ ማልያ ለቢሱ ዝኣተወ ቢንያም ብ346 ነጥቢ ይመርሕ ኣሎ። ናይ ሎሚ መድረኽ ዝተዓወተ ብውህሉል ነጥቢ ንቢንያም ዝኽተሎ ዘሎ ያስፐር ፊሊፕሰን ድማ ብ271 ነጥቢ ኣብ ካልኣይ ደረጃ ተሰሪዑ ኣሎ። ቢንያም ንፊሊፕሰን ብ75 ነጥቢ ይመርሖ ኣሎ።