Latest releases

ሰብመዚ ጸጥታ ጀርመን ካብ ሎሚ ረቡዕ ጀሚሩ ንመስረትቲ ናይቲ 'ብርጌድ ንሓመዱ' ተባሂሉ ዝፍለጥ ምንቅስቓስ ኤርትራውያን ተቓወምቲ ኣብ ቀይዲ ንምእታው ስርሒት ምጅማሮም ኣፍሊጦም። ኣኽበርቲ ሕጊ ከምዝበልዎ፡ ኣብ ሽዱሽተ ዞባታት ጀርመን ኣብ 19 መንበሪ ገዛውቲ ነቶም ጥርጡራት ንምድላይ ተፍትሽ ይካየድ ኣሎ። ቤት ጽሕፈት ፈደራላዊ ዋና ኣኽባሪ ሕጊ ብሓሙስ 26 መጋቢት ኣብ ዘውጽኦ መግለጺ፡ እቶም ኣስማቶም ዘይጠቐሶም 17 ውልቀሰባት "መስረትቲን ኣባላትን ውሽጣዊ ግብረሽበራዊ ውድብ ምዃኖም ዝተጠርጠሩ እዮም"...

ሓይሊ ዕማም ቀይሕ ባሕሪ ዝተሰምየ ጕጅለ ኤርትራውያን ምሁራት፡ ነቲ ኢትዮጵያ ኣብዚ ቀረባ እዋን ብዛዕባ ምርካብ ኣፍደገ ቀይሕ ባሕሪ ዘቕረበቶ ጠለብ፡ "ብታሪኽ ዘይቅኑዕን ብሕጊ ዘይምኽነን፡" ብምባል ብትሪ ነጺጉዎ። እዚ ዝወጽአ ሓድሽ መጽናዕታዊ ሓተታ፡ ቀዳማይ ምኒስተር ኢትዮጵያ ኣቢይ ኣሕመድ ብ13 ጥቅምቲ 2023 ኣብ ቅድሚ ባይቶ ሃገሩ ቀሪቡ፡ ቀይሕ ባሕሪ "ተፈጥሮኣዊ ዶብ ኢትዮጵያ" ምዃኑን 'ዋንነት' ባሕሪ "ጉዳይ ህላወ" ምዃኑን ድሕሪ ምግላጹ ምዃኑ ይገልጽ። እቲ ብትሽዓተ ኤርትራውያን...

ንሓያለ ኣዋርሕ ኣብ ኤርትራ ተታሒዞም ዝጸንሑ ባሕረኛታት ከምዝተለቁ ማዕከናት ዜና ኣዘርባዣን ሓቢረን። እቶም 18 ኣዘርባዣናውያን ዝርከብዎም ባሕረኛታት ምስተን ብዘይፍቓድ ናብ ልኡላዊ ማያት ኤርትራ ብምእታወን ብሓለዋ ባሕሪ ዝተታሕዛ ሰለስተ መራኽብ ኣዘርባዣን ዝነበሩ'ዮም። ንመንግስቲ ቅርበት ዘለዎ ትረንድ ዝተባህለ ማዕከን ትማሊ ሰኑይ ኣብ ዘውጽኦ ጸብጻብ እቶም ኣብ ወደብ ዓሰብ ተታሒዞም ከምዝጸንሑ ዝንገረሎም "ዜጋታት ኣዘርባዣን ዝኾኑ ኣባላት" እተን መራኽብ ናብ ሃገሮም ከምዝተመልሱ ሓቢሩ'ሎ።

ሰብመዚ ግብጺ ንኤርትራውያን ስደተኛታት ብዘይድልየቶም ናብ ሃገሮም ይሰጉዎም ኣለዉ ክብሉ ተሓለቕቲ መሰላት ከሲሶም። ኣብ ዓዲ እንግሊዝ ዝመደበሩ 'ሁማን ራይተስ ኮንሰርን ኤርትራ' ዝተብሃለ፤ ኣብ ምጥባቕ ሰብኣዊ መሰላት ዝሰርሕ ዘይመንግስታዊ ትካል፡ ኣብ ግብጺ ብዙሓት ኤርትራውያን ማእሰርትን ምስጓግ ናብ ሃገሮምን የጋጥሞም ከምዘሎ ሓቢሩ። እቲ ትካል ብዓርቢ ኣብ ዘውጽኦ መግለጺ፡ ቅድሚ ሕጂ ልዕሊ 140 ኤርትራውያን ብሓይሊ ካብ ግብጺ ናብ ኤርትራ ከምዝተሰጎጉ ብምግላጽ፡ ሰብመዚ ግብጺ ካብ ትካላት ተጣባቕቲ ሰብኣዊ መሰላት...