Latest releases

ኤርትራ ብወይዘራዝራ ኣቢላ ኣብ ዝተፈላለየ ውድድራት ቁንጅና ዓለምና ክትሳተፍን ዓወት ከተመዝግብን ጸኒሓ ኣላ። ኣብ ውድድር ወይዘሪት ኣፍሪቃ ዓባይ ብሪጣንያ 'Miss Africa Great Britain 2024' እውን ብመንገዲ ጓል 20 ዓመት ዮርዳኖስ መንግስታኣብ ኣቢላ 2ND RUNNER UP ሽልማት ረኺባ እያ። እዚ ውድድር ኣፍሪቃውያን ወይዘራዝር ሕልመን ዘግህዳሉ፣ ገዛእ ርእሰንን ሃገርንን ምስ ዓለም ዘላልያሉ መድረኽ እዩ። እታ ኣብ ንኡስ ዕድመኣ ዝተሰደደት፣ በዓልቲ ጽቡቕ ቍመና ምልምል ጐርዞ ዮርዳኖስ ከኣ፡ እዚ ዕድል ሕልማን ራኢኣን ከተግህደሉ እትኸእል መሰረት ምዃኑ እያ...

ኣብ ኢትዮጵያ፡ ኣዲስ ኣበባ፡ ቅድሚ ክልተ ሰሙን ዝጀመረ ግፋ ኤርትራውያን፡ ብጹዑቕ ይቕጽል ኣሎ።ኤርትራውያን ነበርቲ ኣዲስ ኣበባ፡ ንራድዮ ኤረና ኣብ ዝሃብዎ ሓበሬታ፡ ንኤርትራውያን ጥራይ ዘነጻጸረ ግፋ፡ ክካየድ እዚ ናይ መጀመርያ እዋኑ ከምዘይኮነ ኣረጋጊጾም።ዕላማ እቲ ኤርትራውያን ብብዝሒ ኣብ ዝንቀሳቐስሉ ከባቢታት ኣዲስ ኣበባ ዝካየድ ዘሎ ግፋ ንጹር ኣይኮነን። እንተኾነ፡ ቀዳማይ ሚኒስተር ኣብይ ኣሕመድ፡ ኣብ ዘይሕጋዊ ንግዲ፡ ሸርፊን ካልእን ንዝተዋፈሩ ናይ ወጻኢ ዜጋታት ብስቕታ ክዕዘብዎም ከምዘይኮኑ ንባይቶ እታ ሃገር ድሕሪ ዝሃቦ መግለጺ ይካየድ ምስ ምህላዉ፡ እቲ ንኤርትራውያን ዘነጻጸረ ግፋ ምስኡ ዝተተሓሓዘ...

ፕረዚደንት ኢሳይያስ፣ ምንቅስቓሳት ምብራቕ ሱዳን ኣብ ድሕነት ሱዳን ክዋስኣ ደገፉ ከምዝገለጸለን ተሓቢሩ።እቲ ፕረዚደንት ነዚ ዝገለጸ፣ ዋና ጸሓፊ ስሙር ግንባር ንሓርነትን ፍትሒን ሱዳን፣ ዳውድ ኣል ኣሚን ማሕሙድ፣ ዝመርሖም ዝተፈላለዩ ምንቅስቓሳት ምብራቕ ሱዳን፣ ብሰንበት 10 ሕዳር፣ ኣብ ዓዲ ሃሎ ተቐቢሉ ኣብ ዘዘረራበሉ እዋን‘ዩ። ንዝተፈላለያ ዕጡቓትን ምንቅስቓሳትን ምብራቕ ሱዳን ዝሓቖፈ፣ ስሙር ግንባር ንሓርነትን ፍትሒን ሱዳን፣ ድሕሪ‘ቲ ምስ ፕረዚደንት ኢሳይያስ ኣፈወርቂ ዝገበሮ ርክብ ኣብ ዘውጽኦ መግለጺ፣...

ኣብ ኣብያተ ማእሰርቲ ኤርትራ ብዘይፍርዲን ንኵነታቱ ዝገልጽ ሓበሬታን ንልዕሊ 23 ዓመታት ተሓይሩ ዝርከብ ኤርትራዊ-ሽወደናዊ ጋዜጠኛ ዳዊት ኢሳቕ፡ ንናጽነት ምግላጽ ሓሳባት ብዝገበሮ ተወፋይነት፡ ሽልማት ሰብኣዊ መሰላት ሽወደን - “ኤደልስታም” ከምዝተዋህቦ ሽማግለታት እቲ ፋውንዴሽን ገሊጾም። ዳዊት፡ ኣባል ቦርድ ምስንዳእ ብሕታዊት ጋዜጣ ሰቲት ዝነበረ ኰይኑ፡ ዜግነት ሽወደን ዝነበሮ ኤርትራዊ እዩ። ኣብ ፈለማ 2000፡ ኣብ ኤርትራ ላዕለዎት መራሕቲ መንግስቲን ኣባላት ባይቶን ድሕሪ ዝጀመርዎ ብጕጅለ-15 ዝፍለጥ...