Latest releases

ፕረዚደንት ኢሳይያስ ኣፍወርቂ ኣብ ዝሓለፈ ቀዳም ሃንደበታዊ ክብሃል ዝክኣል ቃለመሕትት ምስ መንግስታዊ ማዕከናት ዜና ኣካይዱ ነይሩ። ዋላ'ኳ ኣብቶም ቀዳምነታት ህዝቢ ዘይኮኑ ዓበይቲ ጉዳያት ወጻኢ ብምትኳር ሰፊሕ ሓተታታት ብምሃብ ዝፍለጥ እንተኾነ፡ ኣብዛ ቀንዲ ትካላት መንግስቲን ደሞክራስን ዝፈረሱላ ሃገር ቃላት ናይቲ መራሒ 'ሕሉብን-ንጹፍን' ዝኾነሉ ኩነታት'ዩ ዘሎ። ዓበይቲ ፖሊሲታት ዘጽድቕን ተሓታትነት ናይቲ ብፕረዚደንት ዝምራሕ ፈጻሚ ኣካል ዝከታተልን ሃገራዊ ባይቶ ምፍራሱ ኣብታ ሃገር ዓቢ ፖለቲካዊ ሃጓፍ ፈጢሩ...

ብመሰረት ሓድሽ ጸብጻብ ደረጃ ክፉትነት ቪዛ ሃገራት ኣፍሪቃ፡ በኒን፣ ጋምብያ፣ ሩዋንዳን ሲሸልስን ኣብ ዝለዓለ ደረጃ ተሰሪዐን ኣለዋ። እዚ ማለት ኣፍሪቃውያን ናብዘን ሃገራት ንምእታው ቪዛ ኣየድልዮምን ማለት እዩ። ካብ 54 ሃገራት ኣፍሪቃ ሱዳን ኣብ ዝተሓተ ደረጃ ተሰሪዓላ፡ ሊብያ፣ ኢኳቶርያል ጊኒን፤ ንዐአን ስዒባ ድማ ኤርትራ ኣብ መበል 51 ደረጃ ተሰሪዓ ትርከብ። ኤርትራ፡ ብመንጽር ናብታ ሃገር ዝገሹ በጻሕቲ ዝሕተት ረቛሒታት ቪዛ፡ ካብተን ኣብ ዝተሓተ ደረጃ ዝምደባ ሃገራት ኣፍሪቃ ምዃና እዩ...

መንግስቲ ኢትዮጵያ፣ በብእዋኑ እናገፈፈ ቀይድዎም ዝጸንሐ ኣማኢት ኤርትራያን፣ ካብቲ ትማሊ 03 ታሕሳስ ኣትሒዙ፣ ብመንገዲ ዓሰብ – ቡሬ ናብ ኤርትራ ይሰጎም ከምዘሎ ምንጭታት ራድዮ ኤረና ኣረጋጊጾም።ዛጊት ኣብ ሽዱሽተ ኣውቶቡሳት ዝተጻዕኑ ኣስታት 300 ኤርትራውያን፣ ኣብዘን ክልተ መዓልታት፣ ናብ ኤርትራ ተሰጕጎም ኣለዉ።ኣብ ኣብያተ ማእሰርቲ ኢትዮጵያ ተዳጕኖም ንዝርከቡ ኤርትራውያን ናይ ምስጓግ መስርሕ ይቕጽል ከምዘሎ ‘ውን እቶም ምንጭታት ኣመልኪቶም።...

ጓል 20 ዓመት ኣመሪካዊት መንእሰይ ነበሪት ጀርመን፣ ከተማ ካይዘርስላውተርን፣ ኣብ መዓርፎ ባቡር፣ መቐመጫይ ተንኪፉኒ ብዝብል ክሲ፣ ንወዲ 64 ዓመት ኤርትራዊ ኣቦ ብካራ ብምቕታላ፣ ኣብ ፍርዲ ከምዝቐረበት ጋዜጣ ቢልድ፣ ኣብ ናይ 03 ታሕሳስ ሕታማ ኣስፊራ።እታ መንእሰይ፣ ኣብ መወዳእታ ወርሒ ሰነ 2024፣ ነቶም ኤርትራዊ ኣቦ፣ ‘መቐመጫይ ተንኪፎሙኒ‘ ብምባል፣ ኣብ ሳንጣኣ ዝነበረ ተዓጻፊ ካራ...