Latest releases

ሎሚ ኣብ ዝተኻየደ ሻዱሻይ መድረኽ ቱር ዲ ፍራንስ ተቐዳዳማይ ጋንታ ጃይኮ ኣልኡላ ዳይላን ግሮንወገን ቀዳማይ ክወጽእ እንከሎ ጃስፐር ፈሊፕሰን ካልኣይ ቢንያም ግርማይ ከኣ ሳልሳይ ወጺኦም'ኳ እንተነበሩ፡ ድሒሩ ብዝተገበረ ምጽራይ ጃስፐር ፈሊፕሰን ኣብ እዋን ቅጽበታዊ ውድድር ዘይንቡር ኣካይዳ ከይዱ ተባሂሉ ብኣዳለውቲ እቲ ውድድር ስለዝተቐጸዐ ቢንያም ናብ ካልኣይ ደረጃ ደዪቡ።

ኣስመራ —ተመስገን እያሱ፡ ዳንኤል ተኽለጊዮርጊስን ሮዳስ ተኽለን ዝተባህሉ፡ ኣብ ሳዋ ከም ኣማኸርቲ መምህራን ኮይኖም ኣብ ምስራሕ ዝርከቡ ናይ ስነ-ልቦና ምሁራት፡ ብተበግሶኦም ዘማዕበልዎ ‘ቋንቋ -ምድህሳስ’፡ ረቡዕ 28 ስነ ኣብ ኣስመራ፡ ኣዳራሽ ሃገራዊ ማሕበር መንእሰያትን ተማሃሮን ኤርትራ ንህዝቢ ኣላልዮም።

ኣብ ኢትዮጵያ፣ ክልል ኣምሓራ ኣብ ዝርከብ መዓስከር ኣለምዋጭ ተዓቝቦም ዝርከቡ ኤርትራውያን ስደተኛታት፣ ህይወቶምን ንብረቶምን ኣብ ሓደጋ ከምዘሎ ገሊጾም።

ዋሽንግተን —ኤርትራዊ ተጻዋታይ ጋንታ ከነማ ኢትዮጵያ ዝኾነ ዓሊ ሱሌማን ምስ GAIS ዝተባህለት ጋንታ ሽወደን ንኽጻወት ኣብ ውሽጣዊ ስምምዕ(ምርድዳእ) ከምዝበጽሐ ብምርግጋጽ፡ ብተወሳኺ "ካብ ግብጺ፡ ደቡብ ኣፍሪቃን ሞሮኮን እውን መጸዋዕታ መጺኡኒ ኣሎ። ነዚ ናይ ሽወደን ዕድመ ግን ኣቐዲመዮ ኣለኹ።" ክብል ምስ ድምጺ ኣመሪካ ኣብ ዝገበሮ ቃለ መጠይቕ ኣፍሊጡ።