Latest releases

ቅዱስ ሲኖዶስ ኦርቶዶክስ ተዋሕዶ ቤትክርስትያን ኤርትራ 6ይ ፓትሪያርክ ክሸይም ከም ዝመደበ ኣብ ዝሓለፈ ሰሙን ኣብ ዘውጽኦ መግለጺ ኣፍሊጡ። እቲ ብ 6 ጥቅምቲ 2024 ዝወጸ መግለጺ፡ ብመገዲ ማሕበራዊ መራኸቢታት ኣቢሉ እውን ዝተዘርግሐ ኰይኑ፡ ቢቢሲ ነታ ቤተክርስትያን ቅርበት ዘለዎም ሰባት ተወኪሱ ወግዓዊ መግለጺኣ ምዃኑ ኣረጋጊጹ። እቲ መግለጺ፡ ኦርቶዶክስ ቤተክርስትያን ኤርትራ ናይ ገዛእ ርእሳ ሲኖዶስ ካብ ትተክል ኣትሒዛ፡ “ኣብዚ ቅዱስ መንበር ተሸይሞም ንቤተክርስትያን ዝመርሑ ሓሙሽተ ፓትሪያርካት ኣብ ገግዚኡ ተመሪጾም ክሽየሙ ከምዝገበረ” ኣዘኻኺሩ።

ኣብ ቀረባ ሰሙናት፡ ኣብ መንጐ ኤርትራውያን ደቂ ኣንስትዮ ተጠቀምቲ ማሕበራዊ ሚዲያ ‘ጃዴ ስቶንስ’ ወይ 'ዮኒ ኤግስ'ን ካልእን ብዛዕባ ተባሂሎም ዝጽውዑ ኣእማን ተላዒሉ ዝቐነየ ልዑል ክትዓት ኣሎ። ገሊአን፡ ረብሓታት እዞም ኣእማን’ዮም ዝበላኦም ሳይንሳዊ ድርኺት ዘይብሎም ረብሓታት ብምርቋሕ፡ ንኣጠቓቕማኡ ዝምልከት መምርሒታት ክህባ ቢቢሲ ተዓዚቡ ኣሎ። ብዙሓት ደቂ ኣንስትዮን ደቂ ተባዕትዮን ድማ፡ ኣብዚ ጉዳይ ባህላዊ፡ ሃይማኖታውን ጥዕናውን ስግኣታት ብምልዓል ክፈጥሮ ኣብ ዝኽእል ማሕበራዊ ነውጺ ስክፍታኦም የልዕሉ ኣለው።

ኣብዚ እዋን ኣቓልቦ መላእ ዓለም ጸሚዱ ዘሎ መረጻ ኣመሪካ፡ ዝተፈላላያ ሃገራትን ህዝብታትን በብናይ ገዛእ ርእሶም ረብሓታትን ኣገዳስነትን ይርእይዎን ውጽኢቱ ይጽበዩን ኣለዉ። ኣብዚ ዓለም ብከቢድ ፖለቲካዊ-ቍጠባ፡ ወተሃደራዊን ጸጥታውን ይዅን ክሊማዊን ሰብኣዊን ቅልውላዋት ትሕመሰሉ ዘላ እዋን፡ እታ ርእሰ ሓያል ዝዀነት ኣመሪካ ብዘለዋ ገዚፍ ተራን ጽልዋን እትመርጾ ፕረዚደንት ወሳኒ ክኸውን ከምዝኽእል እዩ ዝግለጽ። ብፍላይ ንዓለም ከቢድ ዝሃሰየ ኵነታት ሩስያ-ዩክረይን፡ ዝሰዓቦ ጉዳይ እስራኤል-ፍልስጤም ዝመበገሲኡ ቅልውላው ማእከላይ...

ኣመሪካውያን ሎሚ 5 ሕዳር ንዝመጽእ ኣርባዕተ ዓመታት ዝመርሖም ፕረዚደንት ዝመርጹላ ናይ መወዳእታ መዓልቲያ። ኣመሪካ ኣብ ዓለም ዓብላሊት ሃገር ከም ምዃና መጠን፡ ሃገራት ዓለም መን እንታይ ጽልዋ ይህልዎ? ብነናተን ኣጠማምታ ክገልጻኦ ይስማዓ’የን። እዚ ሕቶ’ዚ ናብ ቀርኒ ኣፍሪቃ ብኡ ኣቢልና ከኣ ናብ ኤርትራ ምስ እነምጽኦ፡ ዝተፈላለዩ ሰባት ዝተፈላለየ ኣረኣእያ’ዩ ዘለዎም። ተንታኒ ፖለቲካ ማእከላይ ምብራቕን ቀርኒ ኣፍሪቃን ዓብዱራሕማን ሰይድ ኣቡሃሽም ኣመሪካ ምስ ቃልሲ ግብረ ሽበራውያን ኣብ ዝተሓሓዝ’ምበር ንሃገራት...