Latest releases

ኣብ መንጎ ኤርትራን ኢትዮጵያን "ኣብ ዝኾነ ህሞት ኲናት ክውላዕ" ከምዝኽእል ዝምጉት መግለጺ ሌ/ጀነራል ጻድቃን ገብረትንሳኤ መርኣያ ናይቲ ብወገን ኢትዮጵያ ዝጋዋሕ ዘሎ ድሌት ኲናት'ዩ ክትብል ኤርትራ ግብረመልሲ ሂባ። ሚኒስተር ዜና ኤርትራ ሎሚ ሰሉስ ኣብ ዘውጽኦ ጽሑፍ፡ እቲ ጀነራል "ኣካል ናይቲ ብሓይሊ ንኤርትራዊት ወደብ ዓሰብ ንምጉባጥ" ዝህቅን ኣጀንዳ እዩ ክብል ነቒፉ። ኣባል ካቢነ ግዝያዊ ምምሕዳር ትግራይ ዝኾነ ጀነራል ጻድቃን ብሰኑይ 10 መጋቢት ኣብ ዘውጽኦ ጽሑፍ፡ እቲ ኣብ...

ኤርትራን ባንክ ልምዓት ኣፍሪቃን ንህንጸት ፕሮጀክት ጸሓያዊ ጸዓት ዝውዕል ተወሳኺ 20 ሚልዮን ዶላር ስምምዕ ከም ዝኸተማ ምኒስተር ዜና ኤርትራ ኣቶ የማነ ገብረመስቀል ትማሊ ሰኑይ ገሊጹ።ነቲ ስምምዕ፡ ምኒስተር ፋይናንስን ቍጠባዊ ልምዓትን ኤርትራ ዶ/ር ጊዮርግስ ተኽለሚካኤልን ምክትል ዋና ዳይረክተር ናይቲ ባንክ ልምዓት ኣብ ምብራቕ ኣፍሪቃ ሊያንድረ ባሶለን ኣብ ኣስመራ ክታሞም ከም ዘንበርሉ ተሓቢሩ። እዚ 20 ሚልዮን ዶላር፡ መቐጸልታ ናይቲ ኣብ ዝሓለፈ ዓመት ባንክ ልምዓት ኣፍሪቃን መንግስቲ ኤርትራን ዝተፈራረሙዎ...

ኣብ መንጎ ኤርትራን ኢትዮጵያን ዝውላዕ ሓድሽ ኲናት ኣብ ጸጥታ ቀይሕ ባሕሪን ዞባ ቀርኒ ኣፍሪቃን ከቢድ ሳዕቤናት ከምዝህልዎ ሌ/ጀነራል ጻድቃን ገብረትንሳኤ ገሊጹ። እቲ ኣባል ካቢነ ግዝያዊ ምምሕዳር ትግራይ ዝኾነ ጀነራል ኣብ ዘውጽኦ ጽሑፍ፡ ትግራይ ዳግማይ ናብ "ዓውደ-ውግእ" ከይትምለስ ዘለዎ ስግኣት'ውን ኣስፊሩ'ሎ። "ኣብ ዝኾነ ህሞት ኣብ መንጎ ኢትዮጵያን ኤርትራን ኲናት ክውላዕ ይኽእል'ዩ" ይብል እቲ ኣብ 'ኣፍሪቃ ሪፖርተር' ዝወጸን ኣቐዲሙ ኣብ ኢድ ቢቢሲ ዝበጽሐን ትንተና። "ድሕሪ'ቲ...

ሃኒባል ሰሎሞን ምስ መዘንኡ ኣብ መስከረም 2023 ናብ ትግራይ ክሰግር እንከሎ 17 ዓመቱ ኣይመልአን ነይሩ። ንእስነቱ ግን ኣይመነወን፣ ሓደ ካብቶም ኣብ ዝሓለፈ ወርሒ ካብ ቤት ማእሰርቲ ላፍቶ - ኣዲስ ኣበባ፡ ክሃድሙ ብኣባላት ሓለዋ ብዝተተኰሰሎም ጠያይት ግዳያት ዝዀኑ ኤርትራውያን ስደተኛታት እዩ። እቲ ኣብ ኢትዮጵያ ንኤርትራውያን ዝወርዶም ዘሎ ኵነታት መርኣያ ዝዀነ ፍጻመ ከቢድ ስንባደን ቍጥዐን ፈጢሩ እዩ። ነቶም ዶብ ካብ ዝሰግሩ ኣትሒዞም ዝተቐንዘዉ ስድራቤታት ድማ ኣመና መሪር። ...