Latest releases

ኣብቲ ካብ 23 ለካቲት ክሳብ 2 መጋቢት ዝካየድ መበል 17 ዙር ርዋንዳ ትሽዓተ ኤርትራውያንን ሸሞንተ ኢትዮጵያውያንን ክተሳተፉ'ዮም። ብሓፈሻ ከኣ ኣብ 15 ጋንታታት ዝተጠርነፉ 75 ተቐዳደምቲ ክወዳደሩ'ዮም። ብኣሰልጣኒ ሳምሶም ሰለሙን እትእለ ሃገራዊት ጋንታ ኤርትራ፡ ነቲ ንሰለስተ ግዜ ቻምፕዮን ኣፍሪቃ ዝዀነን ኣብ 2023 ዕዉት ብጫ ማልያ ዙር ርዋንዳን ሄኖክ ምሉእብርሃን፡ ኣብ ዙር ርዋንዳ ሓሙሽተ ግዜ ናይ መድረኽ ዓወት ዘመዝገበ መትከል እዮብ፡ ናሆም ዘርኣይ፡ ናታን መድሃኔን ንመጀመርታ ግዜ ንሃገራዊት ጋንታ ዝውክል ዘሎ ዓወት ክብሮምን ሒዛ ክትሳተፍ'ያ።

ፕረዚደንት ኢትዮጵያ ነበር ሙላቱ ተሾመ ብዛዕባ ኤርትራ ዝሃቦ መጠንቀቕታ ሓቅነት ከምዘይብሉ ኤርትራ ገሊጻ። ኤርትራ ኣብ ሰሜን ኢትዮጵያ ሓድሽ ኲናት ንምውላዕ ትዳሎ ከም ዘላን ክትግታእ ከምዝግባኣን'ዩ እቲ ኢትዮጵያዊ ብዓል ስልጣን ብሰኑይ ኣብ ዘውጽኦ ጽሑፍ ዝኸስስ። ሚኒስተር ዜና ኤርትራ ሎሚ ሰሉስ ኣብ ዝሃቦ ግብረመልሲ "ናይ ሓሶት መጠንቀቕታ" ክብል ነጺግዎ'ሎ። "እቲ ደረቐኛ ክሲ፡ ንናይ ኲናት ድሌት [ኢትዮጵያ] ንምኽዋልን ንምምኽናይን ዝዓለመ'ዩ" ክብል ሚኒስተር የማነ ገብረመስቀል ኣብ ኤክስ ብቐጥታ መልሲ...

ቤት-ፍርዲ ዓባይ ብሪጣንያ ነቲ ብ12 ነሓሰ 2021 ኣብ ከተማ ኮቨንትሪ ኣብ ዝርከብ ትካል ጥዕና ኣእምሮ፡ ባዕሉ ህይወቱ ከም ዘጥፍአ ዝተገልጸ ሄኖክ ዛይድ ገብረስላሴ ንኣማውታኡ ዝምልከት መርትዖታት ሰሚዑ። ቅድሚ ሞቱ - ቅድሚ ሓያሎ መዓልታት - ካብቲ ማእከል ጥዕና ኣብ ዝሃደመሉ እዋን ካራ ሒዙ ከም ዝተረኽበ'ውን ሓበሬታ ረኺቡ። ሄኖክ ዛይድ ገብረስላሴ ገና ቈልዓ 14 ዓመት እንከሎ፡ ካብ መበቈል ሃገሩ ኤርትራ ሃዲሙ ንዓመታት ኣብ መዓስከር ስደተኛታት ተዓቚቡ ዝነበረ...

ዋሽንግተን —ካብ 2013 ክሳብ 2018 ፕረዚደንት ኢትዮጵያ ኰይኑ ዘገልገለ ዶክተር ሙላቱ ተሾመ፡ ብ17 ለካቲት ኣብ ናይ እንግሊዘኛ መርበብ ሓበሬታ ኣልጃዚራ ኣብ ዘስፈሮ ጽሑፍ፡ “ኣብ ቀርኒ ኣፍሪቃ ንዝመጽእ ግጭት ምውጋድ፡ ውሳነ ዝውሰደሉ ግዜ’ዩ፡” ክብል ጽሒፉ። ጽሑፍ ዶክተር ሙላቱ፡ “ጎረቤት ሃገር ኤርትራ ምስ ገለ ወገን ህዝባዊ ወያነ ሓርነት ትግራይ (ህወሓት) ብምልፋን፡ ኣንጻር ኢትዮጵያ ኲናት ክትከፍት ትቀራረብ ኣላ፡” ዝብል’ዩ። እቲ ፕረዚደንት ነበር ወሲኹ፡ “ፕረዚደንት ኢሳይያስ ኣፈወርቂን መንግስቲ ኤርትራን ነቲ ዞባ ኣብ ሰንሰለታዊ ኲናት ብምንቛት ይሕመሶ ኣሎ፡” ኢሉ ነዊሕ...