Latest releases

ኣመሪካውያን ሎሚ 5 ሕዳር ንዝመጽእ ኣርባዕተ ዓመታት ዝመርሖም ፕረዚደንት ዝመርጹላ ናይ መወዳእታ መዓልቲያ። ኣመሪካ ኣብ ዓለም ዓብላሊት ሃገር ከም ምዃና መጠን፡ ሃገራት ዓለም መን እንታይ ጽልዋ ይህልዎ? ብነናተን ኣጠማምታ ክገልጻኦ ይስማዓ’የን። እዚ ሕቶ’ዚ ናብ ቀርኒ ኣፍሪቃ ብኡ ኣቢልና ከኣ ናብ ኤርትራ ምስ እነምጽኦ፡ ዝተፈላለዩ ሰባት ዝተፈላለየ ኣረኣእያ’ዩ ዘለዎም። ተንታኒ ፖለቲካ ማእከላይ ምብራቕን ቀርኒ ኣፍሪቃን ዓብዱራሕማን ሰይድ ኣቡሃሽም ኣመሪካ ምስ ቃልሲ ግብረ ሽበራውያን ኣብ ዝተሓሓዝ’ምበር ንሃገራት...

ኣዲስ ኣበባ —ኣብ ኢትዮጵያ ዝነብሩ ኤርትራውያን ካብታ ሃገር ንምውጻእ ብኣገልግሎት ኢሚግሬሽንን ዜግነትን ኢትዮጵያ ክሳብ 4-ሽሕ ዶላር ዝኸውን ክፍሊት ይሕተቱ ከም ዘለዉ ገሊፆም። ድምጺ ኣመሪካ ዘዘራረቦም እቲ ክፍሊት ካብ መዓልቲ ናብ መዓልቲ ከም ዝፈላለ ይገልፁ። እቲ ትካል ብወገኑ እቲ ዝተጠቐሰ ክፍሊት ንመውፅኢ ቪዛ ዘይኮነስ፣ ኣብ ኢትዮጵያ ብዘይሕጋዊ ፍቓድ ንዝነበሩሉ ጊዜ ዝተወሰነ መቅጻዕቲ እዩ ብምባል መልሲ ሂቡ ኣሎ።

ቀዳማይ ሚኒስተር ኣብዪ ኣሕመድ "ንኢትዮጵያ ብሓይሊ ክወራ ዝኽእል ኣካል የለን፤ እንመተጺኡ ድማ ንምምካት እኹል ዓቕሚ ኣለና" ክብል ተዛሪቡ። ኣብ መግለጺኡ፡ ብዛዕባ ኤርትራን ኣፍደገ ቀይሕ ባሕርን'ውን ተዛሪቡ'ሎ። እቲ ቀዳማይ ሚኒስተር ከምኡ ዝበለ፡ ሎሚ ሓሙስ 31 ጥቅምቲ 2024 ካብ ኣባላት ባይቶ ወከልቲ ህዝቢ ንዝተለዓሉ ሕቶታት መልስን መብርህን ኣብ ዝሃበሉ እዋን እዩ። ኣብቲ ዋዕላ ካብ ዝተሳተፉ ኣባለት እቲ ቤት ምኽሪ፡ ናብ’ቲ ቀዳማይ ሚኒስተር ሕቶ ከቕርቡ ዕድል ረኺቦም...

መገዲ ኣየር ኢትዮጵያ ኣብ ክሊ ኣየር ኤርትራ በረራ ከየካይድ ተኸልኪሉ ዝብል ሓበሬታ ጌጋ ምዃኑ ኣፍሊጡ። ነፈርቲ መገዲ ኣየር ኢትዮጵያ ብሰማያት ኤርትራ ከይበራ ከምዝተኸልከላ ዝገልጽ ወረ ኣብ ማሕበራዊ ሚድያታት ድሕሪ ምውጽኡ'ዩ ነቲ ሓበሬታ ሂቡ ዘሎ።እቲ መግለጺ፡ “መገዲ ኣየር ኢትዮጵያ ብበዓል መዚ ሲቪል ኣቬሽን ኤርትራ ክሊ ኣየር ኤርትራ ክጥቀም ፍቓድ ከምዝተዋህቦን ክሊ ኣየር ኤርትራ ንስሩዕ በረራታት ይጥቀመሉ ከምዘሎን እናረጋገጽና፣ ኣብ ማሕበራዊ መራኸቢታት ዝቐርብ ሓበሬታ ግጉይ ምዃኑ ንገልጽ” ይብል።