Latest releases

ሊብያ ንህዝባ ብ"ኣፍሪቃውያን" ክመልኡ ይጽዕሩ ኣለዉ ንዝበለቶም ትካላት ረድኤት ኣባሪራ። ሰበስልጣን እታ ሃገር፣ ኣብ ሊብያ ዝርከባ ትካላት ረድኤት ኣፍሪቃውያን ስደተኛታት ኣብታ ሃገር ክጸንሑ ብምትብባዕ ንቝጽሪን ማሕበረሰብን ንምቕያር ውዲት ከም ዝኣለማ ኸሲሶም። መንግስቲ ሊብያ ነተን ንቝጽሪ ህዝቢ እታ ሃገር ክቕይራ ውዲት ዝኣለማ ዝበለን፣ ማሕበር ዶባ ኣልቦ ሓካይም፣ ኣብ ውድብ ሕቡራት ሃገራት ላዕለዋይ ኮሚሽነር ስደተኛታት (ዩ. ኤን. ኤች. ሲ. ኣር.) ከምኡ'ውን ቤት ምኽሪ ስደተኛታት ኖርወይ ዝርከብኦም 10 ኣብያተ...

ፕረዚደንት ኣመሪካ ዶናልት ትራምፕ ኣብ ልዕሊ ካብ ወጻኢ ናብ ሃገሩ ዝኣቱ ንብረት ስፍሕ ዝበለ "ፈዳዪ" ዝተባህለሉ ቀረጽ ከም ዝሰልዐ ድሕሪ ምሕባሩ፡ ኣዛራቢ ኰይኑ ቀንዩ ኣሎ። ነዚ ስጕምቲ ዝወሰደ፡ ነቲ እተን ሃገራት ኣብ ልዕሊ ኣቑሑ ኣመሪካ ዝገብርኦ "ንግዳዊ ዕንቅፋታት" ንምምካት ዝዓለመ ምዃኑ እዩ ዝግለጽ። ኤርትራ ኣብቲ ኣዋጅ ብቐጥታ እኳ ኣይትጠቐስ እምበር፡ እቲ ሓድሽ ፖሊሲ ነቲ ኤርትራ ናብ ኣመሪካ እትሰዶ ኣቑሑ ዝተሓተ ቀረጽ ክትከፍል ከም እትግደድ ይሕብር። ኣብ መንጎ ክልተአን ሃገራት ዘሎ ልውውጥ...

ኣብ ሕብረተሰብና ደቂ ኣንስትዮ ኣብ ስፖርት ብፍላይ ኣብ ኣሰልጣንነት ክሳተፋ ብዙሕ ልሙድ ኣይኰነን። እቶም ዝተለምዱ ስፖርታት እውን ዝተወሰኑ እዮም - ከም ኣትለቲክስ ብፍላይ ድማ ጕያ። ኣብ ኩዕሶ ሰክዔት ክረኣያ ግን ብዙሕ ዝተለምደ ኣይኰነን። ካብዚ ሓሊፉ ብፍላይ ኣብ ኣፍሪቃ፡ ከም ኣሰልጠንቲ ኩዕሶ ሰክዔት ደቂ-ተባዕትዮ ዝነጥፋ ደቂ-ኣንስትዮ ምርኣይ ልሙድ ኣይኰነን። ነዚ ክውን ካብ ሞንጎ ዝገበራ ብኣጻብዕቲ ዝቝጸራ ኣፍሪቃውያን ሓንቲ ከኣ ኣብ ኩዕሶ ሰክዔት ተጻዋቲት ነበር፡ ኣሰልጣኒትን ተጣባቒት...

ዓሰርተታት እስያውያንን ኣፍሪቃውያንን ስደተኛታት፡ ኣብ ከተማ ፓናማ ኣብ ዝርከብ ምዕሩግ ሆቴል ተዓጽዮም ብመስኮት ሓገዝ ካብ ዝልምኑ ልዕሊ ሓደ ወርሒ ኣቝጺሩ ኣሎ። ካብ ኣመሪካ ናብ ፓናማ ተሰጒጎም፡ ንጹር መውጽኢ መገዲ ስኢኖም ተዓጽዮም ጸኒሖም። ፈህ ዋይ ኣለግርያ ዝተባህለ ሃይማኖታዊ ምንቅስቓስ ከም ዝገለጾ፡ እቶም ስደተኛታት፡ ካብ ኤርትራ፡ ኢትዮጵያ፡ ኢራን፡ ኣፍጋኒስታን፡ ኔፓል፡ ፓኪስታን፡ ሶማልያ፡ ካሜሩን፡ ቻይናን ሩስያን ዝኣመሰላ ሃገራት ዝመጽኡ ደቂ-ተባዕትዮ፡ ደቀንስትዮ፡ ህጻናትን ቈልዑን ዝርከቡዎም ምዃኖም ይሕብር።